Quen son? Crías de animais de Australia

Medra a colección “Quen son? Crías de animais”
“Quen son? Crías de animais” é unha colección de Kalandraka para inspirar a curiosidade pola fauna e o coidado da natureza dende as primeiras idades. Con textos sinxelos e científicamente rigorosos acompañados de suxestivas ilustracións, cada título permite coñecer sete crías dun continente en forma de adiviña. Aos primeiros volumes dedicados a Asia e Europa, súmanse dous novos títulos, “Quen son? Crías de animais de América” e “Quen son? Crías de animais de Australia”, que van completando esta proposta. Para a elaboración dos textos, dous biólogos docentes especialistas en educación ambiental -Isabel Pelayo e Xulio Gutiérrez- e dous mestres con ampla traxectoria na creación e tradución de textos didácticos e literarios -Pilar Martínez e Chema Heras- uniron a súa ampla experiencia e entusiasmo para realizar esta serie de libros de ciencia dirixida a primeiros lectores. Con ilustracións de Ester García.