Que queres ser de maior, pequena?

A Antía moito a amola que os adultos lle pregunten de cote que quere ser de maior e, aínda máis, que sempre a respondan eles mesmos sen contar coa súa opinión: «Serás unha gran doutora, como a túa nai; ou unha gran panadeira, seguindo a tradición familiar!». Pero Antía ten moi claro a que lle gustaría dedicarse, e os oficios que imaxina non poden estar máis lonxe do que se agarda dela. Con ilustracións de María Brenn.