Pessoa e a súa sombra

Podería ser certo que un dos poetas sagrados da cultura europea contemporánea tivese sido un impostor? Fernando Pessoa, sen dúbida entre a media ducia de poetas que deixaron a marca máis fonda no século XX, fixo coñecidos ós que el chamaba os seus heterónimos: Alberto Caeiro, Ricardo Reis, Álvaro de Campos, os tres principais entre outros moitos; personalidades imaxinadas ás que atribuíu a autoría dunha parte importante da súa obra.