Os pozos elegantes das clavículas

A voz inmaculada dunha muller orfa que sabe que perdeu a súa condición de filla. Así define os novos versos de María Álvarez Landesa (Vigo, 1970) a tamén poeta Míriam Ferradáns no limiar a esta obra, na que a autora rende homenaxe á súa nai. O libro inclúe un código QR onde escoitar á autora recitando algúns dos seus poemas sobre as bases musicais de Paco Dicenta. “A través dunha retrospectiva tenra, madura e, en certo modo, irreverente, viaxamos canda ela a unha infancia en primeira persoa, a unha continua poética da apelación do nós”, prosegue Míriam Ferradáns.