O triángulo vermello

Terceiro título da colección Pequena Memoria, para recuperar as voces silenciadas da historia. Achega unha biografía emocional de Mercedes Núñez (1911-1986) política republicana e militante antifascista que logra sobrevivir ao Cárcere de Ventas franquista e ao campo de concentración nazi de Ravensbrück e dedica os últimos anos da súa vida a denunciar a represión sufrida no que foron dous verdadeiros infernos para as mulleres. A súa biografía é unha lección de vida, de solidariedade e compromiso coa liberdade e a xustiza, e chega aquí a través da mirada inocente do seu fillo Pablo.