Noticias da modernidade

Estamos na Galicia dos anos 20 e asistimos a unha revolución: as mulleres cortan o pelo, fuman e bailan charlestón!, e os medios galegos non poden parar de falar de todo iso. “A muller dos nosos días é inquieta e dinámica”, asegura unha crónica. “Farei golf, pintareime, non me prohibirás, querido, que saia no meu Chevrolet sen o cravo do marido”, promete a protagonista dun poema. Raquel C. Pico (Santiago, 1984) é Licenciada en Xornalismo pola Universidade de Santiago e unha das cofundadoras de Librópatas e Disquecool, o primeiro medio de tendencias en galego. En “Noticias da modernidade” intérnase nos medios galegos dos anos vinte o que lle permite descubrir unha Galicia un tanto esquecida e que parece case secreta, a da época dourada da muller moderna. Ademais de cambiar o corte de pelo e o das saias, as mulleres do momento estudan, traballan e son vistas con certa incomprensión polos señores da súa época.