Levantarse e caer./ Xabier Díaz

Con este novo disco Xabier Díaz retoma a súa carreira en solitario e os proxectos máis persoais. “Levantarse e Caer” afonda nos sentimentos de benestar, autocoñecemento e bondade, e na relevancia das vivencias infantís na construción da personalidade do adulto. Ese lugar chamado infancia recibe os impactos máis radicais da existencia. Buscar despois no espazo onde quedaron agochados pode ser de gran axuda. Logo toca recolocar de novo, caer e levantarse, levantarse e caer. Segundo di o propio Xabier Díaz este disco é un pequeno tratado sonoro de todo iso: algunhas nanas, algunha canción para reivindicarnos, outras para curarnos. Temas: 1.Levantarse e Caer; 2. Luchin; 3. Infancia Querida; 4. María e A Curuxa; 5. O Meiro Azul; 6. Festa Do Bosque; 7. Canção de Minar; 8. Regalitos; 9. O Meu Neno.