Gelsomino no país dos mentiráns

Gelsomino é un rapaz cunha voz tan potente que pode esnaquizar castelos enteiros só con botar un berro. Xunto cos seus amigos, enfrontarase ao rei do País dos Mentiráns, onde mentir é obrigatorio por lei e onde dicir a verdade supón expoñerse a fortes sancións por orde de quen manda. Este é un antigo pirata que tapa a cabeza cunha perruca laranxa e ao que lle encanta pronunciar discursos dende un balcón. É unha das obras máis imaxinativas e divertidas de Gianni Rodari. Vai máis aló da ficción e no trasfondo da historia, escrita na década de 1960, está a era de Mussolini, do fascismo e da resistencia. As ilustracións de Pablo Otero- acuarelas sobre tea sen imprimar- combinan os trazos xeométricos con figuras corpóreas.