Espertina e Esperpenta. Bruxas pasteleiras

Cando o reloxo marca as dez en Barbaloira, ninguén sae das súas casas. É a hora na que Espertina e Esperpenta, as bruxas da vila, comezan a súa xornada. Aínda que a súa aparencia poida asustar, non son precisamente famosas polos seus conxuros, senón polo delicioso biscoito de cenorias rancias que elaboran. Porén, un día todo cambia: Esperpenta desaparece misteriosamente, deixando unicamente unha nota incomprensible e a toda a veciñanza intrigada. Os nenos Seara e Lelo embárcanse nunha aventura chea de enigmas, maxia e ata acaban visitando ao mesmísimo Apalpador para que os axude a atopala.