Dicionario ilustrado da reciclaxe no fogar

Facer unha boa reciclaxe dos residuos do fogar non sempre é doada cando poñemos interese en facela de xeito que poida ser efectiva. Na sociedade actual supón, para as persoas comprometidas co medio ambiente, unha clara preocupación que moitas veces está provocada pola carencia dunha información clara e sinxela. Este dicionario ilustrado do reciclado no fogar achega 150 entradas nas que se explica de maneira concisa como reciclar correctamente gran número de obxectos de uso común, coa indicación do contedor en que deben depositarse. Se prestamos un pouco de atención, entre todos podemos mellorar o planeta con xestos moi simples.