Claudine na escola

Primeira novela de Colette (Saint-Sauveur-en-Puisaye, 1873 – París, 1954), publicada en 1900. Narra en forma de diario as aventuras da adolescente Claudine na súa vila natal, entre paseos polo bosque, amores platónicos, pelexas e sucesos escolares, que a converteron nunha obra que escandalizou no seu momento polos temas que trataba: amores sáficos, homes viciosos e raparigas desvergonzadas. Unha novela fresca, divertida e impertinente. A tradución é de Darío Xohán Cabana.