A vinganza das raíces cadradas

Primeira obra literaria que publica esta autora pontesa con dezaseis relatos ao redor da emigración cun fin solidario en favor da asociación Arraianas. Todos os textos teñen como denominador común a emigración tanto de quen foron ás Américas como a Europa, pero tamén das persoas que viñeron e seguen vindo en busca dun futuro mellor, que é o que move o mundo desde que é mundo. Son historias de ficción, algunhas delas inspiradas en personaxes ou feitos reais, que contan ausencias, desarraigamentos, esgazaduras, perdas de identidade, fracasos e algún que outro éxito.