A sombra cazadora (nova edición)

Dous irmáns viven co seu pai nunha casa totalmente arredados do mundo exterior. Fóra hai unha ameaza para todos eles que só o seu pai coñece. Un día o seu encerro vese alterado, e o seu pai advírtelles: “Imaxinade que a vosa sombra se separa de vós e cobra vida propia. Imaxinade que a imaxe do espello ten vida de seu e actúa pola súa conta. Ha chegar un momento en que teñades dificultades”. Publicada hai tres décadas, esta novela, agora revisada e ampliada polo seu autor, converteuse nunha das obras máis lidas da literatura xuvenil.