A gran novela galega

O home máis rico de Galicia descobre durante o confinamento a súa paixón pola literatura galega e decide convocar un premio de novela dotado cun millón de euros. Aspirantes de todo tipo, críticos e axentes literarios, xornalistas e políticos farán o posible por que gañe quen mellor represente os seus intereses. A primeira obra de ficción publicada do xornalista, editor e crítico literario César Cequeliños ofrece un retrato mordaz do panorama literario galego actual.