Querida liberdade. Vida e obra dun precursor do Rexurdimento. Antolín Faraldo

No 200 aniversario do seu nacemento, este volume aborda a vida e a obra de quen Manuel Murguía definiu como “el primero y el mejor”. Antolín Faraldo (Betanzos, 1822-Granada, 1853) simboliza a voz dunha xeración, a dos Provincialistas, que iniciaron o vieiro cara ao autogoberno. Faraldo puxo sobre a mesa debates enormemente actuais: o feminismo, o suicidio, a separación da Igrexa-Estado, a conformación histórica da identidade, a idea de nación, a liberdade de opinión ou o vangardismo literario, entre outros. O libro contén un amplo estudo introdutorio de Xurxo Martínez González estruturado en breves epígrafes e cunha clara vontade didáctica. Tras el, unha completa antoloxía con 45 artigos de Faraldo.