Quen é quen?

Unha viaxe a través da historia das máscaras, dende as antigas civilizacións até a época actual. Coñeceremos a Tutankamón, aprenderemos como as empregaban en Grecia e Roma, o papel que desempeñaban nos rituais e festas do Xapón ou os poderes que se lles atribuían aos chamáns que as levaban.
Quen é quen? busca no noso interior e activa os resortes da nosa imaxinación. Por medio das máscaras, ofrécenos a posibilidade de vernos tal e como soñamos, só para chegar á conclusión de que non as necesitamos para ser quen queiramos ser.