Poeta en Nova York

A Editorial Galaxia publica en galego a obra poética cume de Federico García Lorca coincidindo co gallo dos 80 anos da súa saída. Texto hipnótico, serviulle ao seu autor para explicar que os negros poden ser xitanos andaluces, e que o blues é flamenco, que todas as persoas senten igual en calquera lugar do mundo e que debaixo do asfalto de Manhattan latexa unha vida extraordinaria e marabillosa. Un clásico da poesía que tiña que estar, tamén, na nosa lingua.