Orixe orzánica das sereas todas

Rodrigo Osorio, integrante do colectivo lugrisán In nave civitas, é un dos impulsores da reinvidicación da vida e obra de Urbano Lugrís. Nesta obra propón un xogo que é tamén un reto. Soña unha Galicia ideal, imaxina como tería sido España sen Franco, nin guerra, nin ditadura. Unha sociedade na que o xenial artista Lugrís pronuncia o seu discurso de ingreso na Academia Galega da Lingua. É o 19 de novembro de 1953. Os protagonistas son o pintor e escritor Urbano Lugrís González e o escritor Leandro Carré Alvarellos.