O día que choveron gatos

Catarina acaba de mudarse dende a gran cidade a unha pequena, gris e aburrida vila, ou iso pensa ela. Aínda por riba, o propietario da vivenda onde se instala coa súa familia é Ovidio Lema, un personaxe desprezable que se presenta ás eleccións municipais polo PAI: a plataforma antianimalista que pretende acabar cos gatos da rúa. Convencida de que só ela pode salvar os animais, Catarina ponse a traballar pola súa conta para boicotear a campaña. Pero un día van chover gatos e Catarina decatarase de que non é a única que está en contra dos plans do trampulleiro Ovidio. Con ilustracións de Susana Suniaga.