O clamor das virxes

Dende a ficción do realismo máxico Marga Cancela recrea a historia dunha das súas tías, Manola Negreira, quen entre 1939 e 1958 deu voz e visibilidade a un grupo de mulleres de aldea que na adolescencia padeceron en carne propia abusos e violacións por parte dun cacique. O resultado é unha novela sobre o feminismo ou sobre un grupo de mulleres que, sen elas sabelo, foron feministas e que en canto superaron o medo e a vergoña loitaron polos seus dereitos con dignidade.