New York, New York

“New York, New York é un diario escrito co ritmo dos filmes norteamericanos e con banda sonora de Frank Sinatra.
Por moitas películas que vexamos e por moitas novelas que leamos, nunca se coñece de verdade Nova York ata que se vive dentro dela, no corazón, nas tripas dunha cidade que ás veces nos cospe e outras nos acubilla agarimosamente. Inma López Silva combina realidade e ficción, toques de comedia e tons de desarraigamento. Sensacións, vivencias e ideas que transmite co senso do humor e o absurdo, coa linguaxe directa que flúe polas rúas de Manhattan.