Museo provincial de Lugo. Orixe e consolidación (1932-1982)

A directora do Museo Provincial de Lugo, Aurelia Balseiro García, fai un percorrido pola historia da institución desde a súa constitución na II República, pasando pola longa noite de pedra do franquismo até os primeiros anos da democracia actual. O relato conta como se constitúen e asentan as principais coleccións e fai un recoñecemento ás diferentes persoas que foron dotando de contido material e inmaterial ao museo. Unha edición en tapa dura, moi coidada, que mostra documentación orixinal inédita.