Mulleres espontaneadas

O historiador, mestre en arquivos e director do Museo das Mariñas e do Arquivo Municipal de Betanzos Ángel Arcay Barral fai un interesante estudo centrado nas comarcas do Eume e Ferrol no que recupera 555 expedientes do Arquivo Notarial da Coruña sobre aquelas mulleres -na súa maioría viúvas ou solteiras- que se presentaban de forma voluntaria ou obrigada ante as autoridades para autoinculparse polo feito de teren quedado embarazadas e lograr un salvoconduto para non seren molestadas por tal feito. Na Galicia pobre do século VIII, as nais solteiras conseguían deste xeito que se lles permitise vivir a súa maternidade sen dobregarse á vontade masculina. Ángel Arcay dá continuidade a investigacións similares realizadas por Ana Romero Masiá, Serrana Rial García e Miguel García-Fernández e explica as chaves e a importancia desta realidade pouco coñecida do pasado.