Mercedes Tella Comas (1868-1934)

Monografía dedicada á mestra e directora da Escola Normal de Mestras da Coruña. Mercedes Tella foi un referente destacado na vida da Coruña e co seu traballo e actividade deu o mellor exemplo da reivindicación do papel que a muller debía ter na sociedade. Admiradora de Concepción Arenal, estreita colaboradora de Manuel Casás, de pensamento conservador e católico, non dubidou en defender valores progresistas en educación como a defensa da coeducación ou o papel que debían ter os libros e os xogos no ensino na infancia, o que lle permitiu ser unha das máis destacadas renovadoras da pedagoxía das Escolas Normais en Galicia no primeiro terzo do século XX. A edición inclúe un limiar de Aurora Marco, fotografías e valiosos anexos.