Lacan en Compostela

Este libro podería ser visto como un intento de psicanalizar a cultura galega a través da súa tradición literaria. Mais, explica o autor, non busca curar nada, senón percibir síntomas e darlles nome con varias disciplinas humanísticas. Válese da filoloxía, a teoría literaria, a socioloxía, a lingüística, a hermenéutica e a filosofía para analizar os aspectos relevantes da cultura galega. Considera que hai que ter en conta a diacronía e non só a sincronía. E que o esquecemento traumático da diacronía primeira é un sinal significativo que demanda ser escoitado.