Historia do fútbol feminino en Galicia. De Irena González a Vero Boquete

“A Historia do fútbol feminino en Galicia” repasa o longo traxecto de resiliencia e sororidade na relación da muller con este deporte, dende os tempos da pioneira Irene González ata a actualidade, en que a xeración de ouro das Vero Boquete, Mari Paz Vilas e compañía comeza a deixar paso a unha nova fornada de talentos. Narrado cun estilo ameno, pero rigoroso, que se combina con entrevistas ás protagonistas e outras colaboracións de primeiro nivel. Héctor Pena (Compostela, 1985) é xornalista, historiador e doutorando en Turismo Deportivo na UVigo. Gañou o Premio Johán Carballeira de Xornalismo (2023) pola súa “Historia inacabada do deporte galego”, publicada en Nós Diario, onde é o responsable da sección de Deportes.