Furtivas

“Furtivas” componse de 69 textos poéticos breves e un poema final, que teñen o desexo e a pulsión amorosa como motivo central. En realidade é único poema que se vai escribindo verso a verso, ao longo de todo o libro. Trátase dunha poesía concisa, ás veces gozosa e outras esgazada, que fala do amor e a tenrura desde as marxes. Un diálogo poético entre mulleres que celebran a vida en toda a súa extensión, malia o implacábel paso do tempo e as cicatrices que deixa a propia existencia. Poemas de expresión case minimalista que, cadenciosamente, van explorando a pel común e a sede partillada dos corpos que se desexan e se queren, no rumor silencioso da noite.