Furia

Non é só a historia dunha adolescente buscando o seu lugar no mundo, senón que tamén é un relato coral de tres mulleres de diferentes idades e condicións sociais que, a través das súas experiencias vitais, preocupacións, medos e inseguridades, tecen unhas realidades que fan que a trama principal da novela sexa tan importante coma aquelas que concorren nun segundo plano. O xurado da XV edición do Premio Jules Verne valorou a forza do argumento, o manexo da lingua e o carisma dos personaxes.