Entre nós

Emilio e Carmen son dous vellos amigos que se reencontraron despois de anos. El regaloulle o seu primeiro libro, O campón de Rodela. Moradía de voces familiares, e recibiu outro de Carmen, Cosas del Karma, relatos breves inspirados en haikus. De aí partiu a idea de escribir algo xuntos e xurdiron estas dúas ducias de contos de forma natural e espontánea, como dúas miradas distintas ás veces, con diferenzas outras pero sempre con emocións compartidas dun paraíso que se foi perdendo e que agora case te-mos que ficcionar. Completan o libro doce orixinais ilustracións de Emilio.