En terra rara

“Terras raras. O nome é curioso, verdade? Tan raras son que nin Deus escoitou falar delas. Pero máis raro é que, sen ter escoitado falar delas, todo Deus as utiliza dunha maneira ou doutra. Se tedes un teléfono móbil, unha tableta, un ordenador portátil ou calquera aparello que leve unha batería recargable, entón formades parte da familia das terras raras. Por iso están doentes por mercarnos todo e poñerse a escavar mañá mesmo se os deixan. Por iso eu estou en folga de fame”.