Don Paco. Letras para a arte galega

Volume que aborda a descoñecida faceta de Francisco Fernández del Riego en relación á arte galega. Un percorrido polas experiencias que tivo coa plástica e cos artistas e as circunstancias que as rodearon. O relato apóiase no rigor documental e pon en valor, a través dunha linguaxe sinxela, o seu importante labor en defensa da arte galega e o legado artístico material que deixou á cidade de Vigo. A autora é licenciada en Historia da Arte pola Universidade de Santiago, coa especialidade de Patrimonio Histórico-Artístico. Foi comisaria da mostra “Francisco Fernández del Riego. Nos vieiros da arte galega”, inaugurada en novembro de 2021.