Don Cazapalabras

A narración de “Don Cazapalabras” transcorre no universo de Semprefalarás, onde conviven moitas linguas en harmonía. Pero un día, coa chegada de Dona Cismeira, todo cambia e as linguas comezan a mesturarse unhas coas outras e están en perigo de ser devoradas pola nova inquilina. Grazas á sabedoría de Don Cazapalabras, supérase este perigo e logran convivir con respecto e ledicia. Don Cazapalabras é unha obra que abarca unha gran cantidade de cuestións vencelladas coas linguas desde unha perspectiva divulgativa e amena.