Do mellor de Nós Vol. II. As Belas Letras da Renacencia

Este volume é a revista literaria, stricto sensu, do Boletín Nós. Ou sexa, o compendio
do corpus de textos pertencentes a 88 autores con propiedades literarias e ficcionais,
debidamente peneirado e entresacado do conxunto da produción intelectual contida no Boletín Nós.
Brinda 166 textos estéticos «fundacionais» nun Mostrario que reflicte os estilos artísticos máis representativos das Letras galegas durante os case tres lustros de vida (1920-1935), entre dúas guerras mundiais e entre dúas ditaduras de España, en que o Boletín Nós levou a batuta da orquestra ideolóxica, literaria e científica das Irmandades.