Contármonos

Reúne catorce voces nun volume que xorde a partir do Obradoiro da Escrita impartido por Eli Ríos e impulsado en 2021 e 2022 polo Concello de Santiago co apoio da Asociación de Escritoras e Escritores en Lingua Galega. Son textos creados arredor de historias de vida das mulleres. Daqueles obradoiros naceu o colectivo Comadres das Letras. Moitas das autoras estréanse na literatura con esta publicación: Carmen Villar Alonso, Ana Lorenzo Blanco, Lorena Gómez Calvo, Isabel Cribeiro Galego, Beatriz Guerra García, M. C. García, Chus Prol Gómez, María Álvarez Landesa, Óscar Monti, Flora Miranda Pena, Marga Castro Rey, Eva Teixeiro Suárez, Nela Valado e Marta Abal Vaquero.