Carol

Therese traballa como dependenta nuns grandes almacéns de Nova York. Un día de inverno achégase ao seu mostrador Carol, unha fermosa muller duns trinta anos. Cando as súas miradas se encontran, senten unha enorme atracción que irá a máis. As dúas mulleres abandonan as súas triviais rutinas na procura de espazo onde o seu amor pode florecer. Pero Therese tamén é consciente dos enormes obstáculos cos que se deberán enfrontar. Publicada por primeira vez en 1952, Carol é unha das novelas máis importantes, aínda que pouco recoñecidas, do século XX. Baixo o pseudónimo de Claire Morgan, Patricia Highsmith creou unha historia plena de erotismo e suspense coa que desafiou os estereotipos sobre a homosexualidade lésbica. Unha obra pioneira, en tradución ao galego de María Seisdedos.