Calidoscopio

Calidoscopio é o primeiro poemario en lingua galega de Conchi da Silva (Vigo,1966), quen é coñecida en Portugal por participar en numerosos recitais e ter publicado en revistas literarias. A poesía en castelán desta autora foi traducida ao inglés, alemán e portugués. A infancia, a nai, a morte, o amor, o paso do tempo, son temas frecuentes na súa lírica. O propio quefacer poético, e máis sinaladamente a natureza, son novidades deste poemario.