Berta Mir detective. O caso do martelo branco

Berta Mir, preocupada por conseguir a súa parte dos cartos para financiar a produción do primeiro disco do grupo, e por coidar do seu pai prostrado na cama como un vexetal, volve con dous novos casos, aparentemente sinxelos: buscar os pais biolóxicos dunha rapaza de 12 anos e seguir un rapaz de 11 que é acosado por dous compañeiros do colexio.
Sinxelos, en aparencia. Pero todo se complica, coma sempre, e Berta vese envolta nun asunto de drogas e guerra entre bandas que a poñerá en perigo, e do que terá que saír con enxeño e habilidade, á vez que loitar por non implicarse emocionalmente nas investigacións, que sempre lle descobren algo novo da natureza humana.