As feridas dun amor efémero

Primeiro libro de Sue Camaño (Cangas 1981). En palabras da propia autora, a súa ópera prima “aspira a ser, por unha banda, unha homenaxe aos clásicos da poesía e da literatura universal que marcaron a miña vida: dende as cantigas de amigo a Garcilaso, Rosalía, Lorca ou Emily Dickinson. Con eles como inspiración, quixen reelaborar eses grandes temas que levan protagonizando a creación escrita dende as súas orixes: a morte, o desamor ou a angustia existencial”. Con ilustracións de Diego Estebo.