Ambulancia (Peto, 2023)

A través dun argumento sinxelo e concentrado, Ambulancia relata a historia fatal de Petete e Pequeno, dous delincuentes que se atopan en situación precaria e que atracan unha gasolineira ao día seguinte de abandonaren o cárcere de Monterroso. Unha novela entretida e desgarradora, na que os personaxes e as súas paixóns se moven pola cidade de Compostela coma se fose un fervedoiro de violencia e dureza, de vida e morte. O texto rende homenaxe á novela negra americana, con personaxes sinistros, sempre á beira do perigo. Unha novela trepidante, de violencia estrutural. En palabras de Diego Ameixeiras “Ambulancia” continúa sendo un magnífico relato criminal de primeira orde. Entretemento puro.”