A saga das curandeiras

Primeira novela da micóloga, investigadora e divulgadora científica Marisa Castro. É unha viaxe a través da vida de Rosalía Carcedo (1911-1972) dende a Galicia da que era natural, pasando polo Madrid da República e da Guerra Civil, ata a aldea de orixe á que regresou na Ditadura e na que continuou exercendo a súa profesión de curandeira a pesar da incomprensión que a rodeaba. A propia autora pertence a unha saga de curandeiros. Con esta biografía ficticia Marisa Castro tenta dar a coñecer a relación destas persoas coa xente e coas autoridades civís e relixiosas da época e facer unha achega ao uso das herbas e dos cogomelos naquel mundo críptico.