A petición de Auli

Un home solitario ao que o amor lle foi esquivo e o seu sobriño Auli, un rapaz de once anos observador e intelixente, inician unha viaxe xuntos. Son dous seres perdidos, faltos de afecto e con escasa fe no ser humano para os que non será doado estar en sintonía, pero as experiencias comúns e o tempo compartido irán derrubando os muros que os separan. Porén, ambos vivirán as súas aventuras interiores de forma moi diferente. Ao final da expedición o home verase como a columna que axudará a Auli a vencer os obstáculos da vida e este sorprenderao cunha petición imposible de asimilar.