Os corpos inscritos e os textos escritos. Xénero, moda e literatura

Combina a análise filosófica coa creación literaria en forma de relatos, mesturando e desfacendo xéneros. Mantén que o xénero foi tradicionalmente o obxecto de intercambio, o obxecto debido en mercadoría. O xénero, en tanto que conformación sexual cultural e en tanto que tecido (téxtil), fixo recaer ou axudou a atribuír a condición subalterna sobre a conformada feminidade. Elas son o xenérico, o Outro difuso, mentres que a masculinidade hexemónica se apropiou da condición de suxeito que ostenta o logos, a capacidade racional, a palabra articulada. Elas teceron no tecido cultural as inscricións que eles enunciaron,. Ao suxeito hexemónico recoñecéuselle a alma racional, aos subalternos cedéuselles a “phoné”, a voz, sen poder decidir.