Compostela como desexo

O filósofo Antón Baamonde; o economista Fernando Barros; dous arquitectos -Xerardo Estévez e Alfonso Salgado- e o filólogo Xosé Manuel Villanueva presentan o que definen como “un documento de reflexión e de ilusión” para compartir coa cidadanía, conscientes de que a capital de Galicia afronta unha década crucial. Un ensaio divulgativo onde cinco autores, todos eles cunha longa traxectoria profesional e persoal desenvolvida na capital de Galicia, propoñen unha nova mirada sobre a cidade en catro breves capítulos sobre a historia, a economía, o territorio, o urbanismo e a cultura de Compostela.