O deber do lume

Di Xosé M. Álvarez Cáccamo no prologo que unha das claves desta obra “é o efecto de verdade derivado da lectura interpretativa das vivencias alleas, que o autor fai súas desde unha posición de evidente proximidade. Aínda que a substancia do relato pertenza á vida dun suxeito non identificábel co eu biográfico de Polsinelli, súa é, sen dúbida, a liña das tonalidades emocionais e súas son, sobre todo, a ollada metamórfica e os labores de quebra do fío argumental en procura de rumbos de pensamento poético de cerna especulativa.”