Azucre

Galicia, mediados do século XIX. O país está asolado pola fame e a enfermidade. A única saída para os mozos como Orestes Veiga pasa por buscar un futuro mellor en Cuba. Inxenuos pero cargados de ilusión, acabarán traballando como escravos nos campos de azucre de Urbano Feijóo de Sotomayor. O obxectivo deste empresario galego é substituír os escravos africanos por compatriotas novos. Será entón cando descubran que «con sangue se fai o azucre». Azucre unha novela breve que Bibiana Candia converte nunha epopea coa forza e concisión da súa prosa. Unha viaxe baseada en feitos reais que recupera un período escuro da nosa historia, marcada por un colonialismo desapiadado como o que reflectía Joseph Conrad no seu “O corazón do negror”. Con ilustracións de Xosé Cobas.