Hemisferio auga

A auga en todas as súas dimensións, sexa en forma de bágoa, de mar ou de choiva, é o eixo condutor dos poemas deste libro. Auga canalizada por un sentido musical e rítmico dos textos, que fai destas páxinas unha sorte de caderno de bitácora doído polo desamor. As ilustracións de Laíño complementan o volume redondeándoo e dándolle o seu propio sentido desde un punto de vista artístico.