O paso do Noroeste

Edición conmemorativa do XXV aniversario da publicación.
Nas vésperas da Revolución francesa, a finais do século XVIII, a nave L’Épée parte da Bretaña coa misión de atopar unha vía segura que conecte o Atlántico e o Pacífico a través do Ártico occidental. Ao mando da expedición vai o capitán Duchesnoy, acompañado polo naturalista e científico Mirabeau.
Esta novela, de viaxes e aventuras, de marabilla e derrota, é un dos grandes libros de Xavier Queipo, e nel condensa moitos dos seus temas literarios máis queridos.
Un novo ‘clásico rescatado’ na edición definitiva do seu autor.