Esa dor tan mala de limpar

Un mollo de relatos de temáticas moi diferentes nos que se mesturan persoas que deambulan, ollares para o fondo de cadaquén e diálogos de tintes surrealistas cargados de todas as intencións. Como di o propio autor, un arco da vella con silencios onde cómpre a complicidade de quen le para ficar as teselas que faltan. Con abundantes ilustracións de Anxo Baranga. Ambos colaboraron na edición de “E agora pasa un tren”, un libro de relatos inspirados en viaxes no tren de Galicia-Barcelona, publicado por Biblos.