Celso Emilio Ferreiro, nacionalista galego

Exponse a traxectoria política do gran poeta de Celanova desde a súa vinculación co movemento nacionalista das Mocedades Galeguistas, até que foi expulsado da UPG e despois militou no PSG para, nos últimos anos de vida ingresar, de forma testemuñal, no PSOE. O traballo lévase a cabo analizando tamén o contexto histórico, literario e social da biografía de Celso Emilio, así como da súa obra literaria, para verter luz sobre certos lugares comúns reiterados noutros ensaios que pretenden afastalo da ideoloxía nacionalista. Manexando documentación fidedigna, queda ben ás claras o percorrido de Celso Emilio Ferreiro no ámbito da UPG, desde a súa fundación até a súa expulsión, como tamén algúns capítulos nos cales o propio «Foz», autor deste libro, foi coprotagonista dos acontecementos